Resultados de procura - Miller, James

James Miller

James Henry Dominic Miller, nado o 18 de decembro de 1968 en Haverfordwest (Gales) e asasinado o 2 de maio de 2003 en Rafah (Gaza), foi un cámara, produtor e director galés, agasallado con numerosos premios, entre eles cinco Emmy.

A miúdo traballaba con Saira Shah, con quen fundou e dirixiu unha produtora independente chamada ''Frostbite Productions''. Foi asasinado co disparo dun soldado das Forzas de Defensa de Israel o 2 de maio de 2003 mentres filmaba o documental ''Death In Gaza'' en Rafah. O soldado que o matou foi identificado na prensa como o Capitán Hib al-Heib.

O 6 de abril de 2006, o xurado londiniense que xulgaba o caso reportou o veredicto de "asasinato sen base legal" (''unlawful killing''), afirmando que Miller fora asasinado.

Miller casou en 1997 con Sophy Warren-Knott, con quen tiña dous fillos, Alexander e Charlotte. Provided by Wikipedia