Torthaí cuardaigh - Wilson, Brian

Brian Wilson

clé|mion|268x268px|1963 Amhránaí agus cumadóir amhrán mór le as i Hawthorne, California, rá ba ea Brian Wilson ( 20 Meitheamh 1942 – 11 Meitheamh 2025). Bhí sé ar dhuine de bhunaitheoirí an bhanna ceoil, The Beach Boys, sna seascaidí agus bhí sé ina cheann feadhna ar an ngrúpa ó thaobh an cheoil de. clé|mion|311x311px|1971 clé|mion|226x226px|1990 Bhain The Beach Boys cáil amach mar gheall ar a bhfoinn bhinne agus an nasc idir a gceol agus an cultúr surfála, rud atá le clos sna hamhráin ar nós “Surfin’ USA’, “Surfin’ Safari” agus “Surfer Girl”. Mar léiritheoir ceoil, bhí sé freagrach as fuaim shainiúil na Beach Boys, go háirithe trí úsáid nuálach a bhaint as armónachas gutha agus teicnící taifeadta. Is é an t-albam “Pet Sounds” (1966) an ceirnín a bhfuil an cháil is mó air, agus, de réir go leor daoine, is é an t-albam is fearr a taifeadadh riamh. Ba é Wilson a cheap agus a stiúir é beagnach ina aonar.

D’fhulaing Wilson le fadhbanna meabhairshláinte le linn a shaoil, agus de réir a chomhpháirtithe sa ghrúpa, mhéadaigh a úsáid drugaí, go háirithe LSD, a chuid fadhbanna. Tharraing sé siar go mór ó léirithe beo agus ó chúraimí bainistíochta an ghrúpa.

Bhí blianta corracha aige sna seachtóidí agus sna hochtóidí. D’fhulaing sé ó scitsifréine éadrom agus dúlagar, agus chaith sé blianta á chóireáil, uaireanta ar bhealaí conspóideacha.

Tháinig feabhas ar a shaol arís nuair a phós sé Melinda Ledbetter in 1995 agus chuaigh sé thar n-ais ar chamchuairteanna. Fágann Wilson oidhreacht ollmhór ar an gceol agus ar an gcultúr den bhfichiú haois.

Tá tionchar a chuid oibre le sonrú i gceol ilghnéitheach ó na 1960idí ar aghaidh. Bhí gradam Grammy faighte aige agus glacadh leis san Rock and Roll Hall of Fame i 1988 mar bhall de na Beach Boys. Arna chur ar fáil ag Vicipéid