Resultados de procura - Thomson, Judith Jarvis

Judith Jarvis Thomson

Judith Jarvis Thomson, nada en Nova York o 4 de outubro de 1929 e finada en Cambridge (Massachusetts) o 20 de novembro de 2020, foi unha filósofa estadounidense especializada en ética e metafísica. O seu traballo abarcou múltiples eidos, pero as súas investigacións máis coñecidas versan sobre o experimento mental coñecido como o "dilema do tranvía" e mais sobre o aborto. En concreto, atribúeselle a Thomson o comezo dunha extensa literatura sobre o dilema do tranvía, creado orixinalmente por Philippa Foot (1920-2010). Por outra banda, no seu artigo seminal "A Defense of Abortion" ("Unha defensa do aborto", 1971) defendeu a postura de que o aborto é moralmente permisible aínda cando se considere que o feto é unha persoa con dereito á vida. Provided by Wikipedia