Resultados de procura - Solomon, Susan

Susan Solomon

miniatura Susan Solomon, nada en Chicago (Estados Unidos) o 19 de xaneiro de 1956, é unha química atmosférica que traballou na National Oceanic and Atmospheric Administration -NOAA- (en galego, Administración Nacional Oceánica e Atmosférica) durante gran parte da súa carreira profesional, onde fixo grandes descubrimentos sobre a composición da atmosfera. Dende o 2011 ata a actualidade (2021) traballou como profesora no Instituto de Tecnoloxía de Massachusetts. Dito instituto era coñecido porque exercera Ellen Swallow Richards como profesora de ciencias de clima e química atmosférica.

Foi unha das primeiras persoas en sinalar que o burato da capa de ozono do Antártico se orixinou debido aos clorofluorocarbonos e ao seu mecanismo de reacción de radicais libres. Así, o Protocolo de Montreal das Nacións Unidas, un protocolo que ten como fin a protección da capa de ozono, está baseado no traballo e descubrimentos de Susan Solomon.

Solomon é membro da Academia Nacional de Ciencias dos Estados Unidos, da Academia Europea de Ciencias e da Academia Francesa de Ciencias. Tamén pertence á Xunta de Ciencia e Seguridade do ''Bulletin of the Atomic Scientists'' (en galego, ''Boletín dos Científicos Atómicos'').

No 2002, a revista ''Discover'' recoñeceuna como unha das 50 mulleres máis importantes da ciencia. No 2008, Solomon foi seleccionada pola revista ''Time'' como unha das 100 persoas máis influíntes do mundo. Provided by Wikipedia
  • Mostrando 1 - 1 Resultados de 1
Limitar resultados
  1. 1

    Aeronomy of the Middle Atmosphere Chemistry and Physics of the Stratosphere and Mesosphere / por Brasseur, Guy P.

    Publicado 2005
    Outros autores: “...Solomon, Susan...”
    Ligazón do recurso
    Electrónico eBook