Canlyniadau Chwilio - Smith, Adam

Adam Smith

Athronydd o Albanwr oedd Adam Smith (16 Mehefin 1723 – 17 Gorffennaf 1790). Mae'n fwyaf adnabyddus fel awdur dau lyfr, ''The Theory of Moral Sentiments'' (1759), a ''An Inquiry into the Nature and Causes of the Wealth of Nations'' (1776). Roedd yn un o sylfaenwyr astudiaeth economeg fel pwnc academaidd.

Ganed ef yn Kirkcaldy, Fife, Yr Alban; nid oes sicrwydd am ddyddiad ei eni, ond bedyddiwyd ef ar 5 Mehefin 1723. Aeth i Brifysgol Glasgow yn 14 oed, lle astudiodd athroniaeth foesol. Yn 1740 aeth i Goleg Balliol, Rhydychen.

Yn 1748 dechreuodd roi darlithoedd cyhoeddus yng Nghaeredin, a daeth i adnabod David Hume. Yn 1751 daeth yn Athro rhesymeg ym Mhrifysgol Glasgow. Cyhoeddodd ''The Theory of Moral Sentiments'' yn 1759. Ymddangosodd ''The Wealth of Nations'' yn 1776, a gwnaeth ei awdur yn enwog.

Ystyrir ef yn un o brif gefnogwyr y syniad o ''Laissez-faire'' a'r farchnad rydd; gyda'r egwyddor fod system ecomomaidd lle mae pawb yn dilyn ei les ei hun yn arwain at fwy o gyfoeth i bawb. Darparwyd gan Wikipedia