Canlyniadau Chwilio - Scruton, Roger

Roger Scruton

Athronydd ac awdur o Sais oedd Syr Roger Vernon Scruton (27 Chwefror 1944 – 12 Ionawr 2020). Ysgrifennodd mwy na 50 o lyfrau am estheteg, athroniaeth wleidyddol, moeseg, a phynciau eraill, ac roedd yn nodedig fel ceidwadwr a thraddodiadwr pybyr.

Ganed yn Buslingthorpe, Swydd Lincoln, a chafodd ei fagu ym Marlow ac High Wycombe, Swydd Buckingham. Astudiodd yng Ngholeg yr Iesu, Caergrawnt, ac yn ddiweddarach fe fu'n gymrawd ymchwil yn Peterhouse, Caergrawnt. Trodd yn geidwadwr wedi iddo fod yn dyst i derfysgoedd Paris ym Mai 1968. Addysgodd yn Birkbeck, Prifysgol Llundain o 1971 i 1992. Scruton oedd golygydd cyntaf ''The Salisbury Review'', a bu yn y swydd honno o 1982 i 2001.

Bu farw o ganser yn 75 oed. Darparwyd gan Wikipedia