Walter Hamor Piston Jr., (Rockland, Maine, 1894ko urtarrilaren 20a – Belmont, Massachusetts, 1976ko azaroaren 12a), Estatu Batuetako musikagilea izan zen. Parisen osatu zituen musika ikasketak Nadia Boulangerekin eta Paul Dukasekin (1924-1926). Estatu Batuetara itzuli zenean, Harvard unibertsitateko musika irakasle izendatu zuten. Eragin handia izan zuen Estatu Batuetako musikagile berrien artean, Leonard Bernsteinengan besteak beste. Garrantzi handiko testuliburuak idatzi zituen: "Azterketa harmonikoaren printzipioak" (1933); "Harmonia" (1941); "Kontrapuntua" (1947), eta "Orkestratzea" (1959). Estilo aldetik neoklasikoa zen guztiz, noizean behin harmoniko erromantikoak erabiltzen bazituen ere. ''Flautista harrigarria'' (1938) balleta; zortzi sinfonia, musika tresnetarako kontzertuak; ''Lincoln Center Jaialdiko Obertura'' (1962), eta kamerako musika lanak idatzi zituen.
Wikipediatik informazioa lortu