David Nicholas Scott Peterson, David Peterson bezala ezagunagoa, Burgosko Unibertsitateko doktorea da Erdi Aroko historian. Doktore tesia 2006an defendatu zuen, ''Frontera y lengua en el Alto Ebro: siglos VIII-XI'' (euskaraz: ''Muga eta hizkuntza Goi-Ebron: VIII-XI mendeak'') izenburupean, non, besteak beste, Burgosen eta Errioxan agertzen den euskal toponimia aztertzen duen. Lizentziatura, aldiz, Oxfordeko Unibertsitatean egin zuen. Aurrerantzean egindako ikerlanetan ere inguru hartako euskal toponimia izan du aztergai, bai eta Arabatik inguruko lurraldeetara izandako emigrazioak toponimian izandako eragina. Lan horretarako Euskal Herriko Unibertsitateko ikerlarien laguntza ere izan du. EHUn, esaterako, ''Donemiliagako Kukulako Becerro Galicano''-aren analisian eta edizio digitalean egin du lan.
Wikipediatik informazioa lortu