Bilaketaren emaitzak - Fugard, Athol

Athol Fugard

Athol Fugard (Middelburg, 1932ko ekainaren 11 – Stellenbosch, 2025eko martxoaren 8a) hegoafrikar antzerkigile, eleberrigile, aktore eta zinema zuzendaria izan zen.

Lurmutur Probintzian jaio zen eta bost urte zituenetik Port Elizabethen bizi izan zen. Filosofia eta antropologia soziala ikasi zituen Lurmutur Hirian, baina 1953an ikasketak utzi zituen graduatu baino hilabete batzuk lehenago.

Orduan, lagun batekin joan zen Afrikako iparraldera, eta hurrengo bi urteak Asiako ekialdean itsasontzi batean eman zituen. Garai hartan hasi zen idazten. 1956an Sheila Frugardekin ezkondu zen.

1958an, arraza anitzeko antzerki bat antolatu zuen, eta berak idatzi, zuzendu eta antzeztu zuen. Apartheid sistemaren aurkari bihurtu zen eta zurientzako antzoki bakar bat ezartzen zuen sisteman parte hartzeari uko egin zion. 1960ko hamarkadan ''The Serpent Players'' aktore taldea sortu zuen. Hogeita hamar antzezlan baino gehiago idatzi zituen eta Hegoafrikako antzerkigile garrantzitsuentzat jotzen dute

Antzerkian eta zineman aktore, ekoizle, gidoilari eta zuzendari ere izan zen. Oscar saria irabazi zuen bere eleberri batetik egokitutako ''Tsotsi'' filmaren gidoiagatik. Wikipediatik informazioa lortu