Canlyniadau Chwilio - Dimbleby, Richard

Richard Dimbleby

Newyddiadurwr a darlledwr o Loegr oedd Richard Dimbleby (25 Mai 1913 – 22 Rhagfyr 1965).

Ganwyd yn Richmond, Surrey, a chafodd ei addysg yn Ysgol Mill Hill. Daeth yn ohebydd rhyfel cyntaf y BBC ym 1939 ac aeth i Ffrainc gyda'r Fyddin Alldeithiol Brydeinig. Bu'n sylwebu ar goroni'r Brenin Siôr VI a'r Frenhines Elisabeth II ac angladdau'r Arlywydd John F. Kennedy a'r Prif Weinidog Winston Churchill.

Bu farw yn 52 oed o ganser. Roedd yn dad i'r darlledwyr David Dimbleby a Jonathan Dimbleby. Mae Darlith flynyddol Richard Dimbleby yn dwyn ei enw ac yn goffâd ohono. Darparwyd gan Wikipedia