Bilaketaren emaitzak - Coover, Robert

Robert Coover

Robert Coover (Charles City, Iowa, 1932ko otsailaren 4a – Warwick, 2024ko urriaren 5a) estatubatuar eleberrigilea izan zen.

Depresio Handiaren garaian jaio zen, eta Illinoisko meategietan igaro zuen gaztaroa. Inguru horretan kokatzen du Cooverrek ''The Origin of the Brunists'' (1966). Lan horretan, grisu-kolpe batek ehundik gora hildako eragiten ditu, eta lagun bat besterik ez da bizirik irteten, zeinak eliza primitibo moduko bat sortzen baitu. Satira-lana da, Amerikako historian izan diren eliza berriei buruzko satira, hain zuzen. 1969an, bere ereduzko kontakizunak bildu zituen ''Pricksongs and Descants'' (1969) lanean. Bien bitartean, bigarren eleberria idatzi zuen: ''The Universal Baseball Association'' (1968). Hamar urtez, bere eleberri handia pixkanaka-pixkanaka osatzen aritu zen, Estatu Batuen bigarren mendeurrena ospatzeko: ''The Public Burning'' (1977), non Rosenberg senar-emazteen hilketa deskribatzen baitu eta Gerra Hotza kritikatzen. ''Gerald's Party'' (1986) lanean, etxe batean agertzen den hildako baten inguruko ikerketa kontatzen du. Aipagarriak ditu, besteak beste: ''Pinocchio in Venice'' (1991), ''The Adventures of Lucky Pierre: Director's Cut'' (2002) eta ''Noir'' (2010). Wikipediatik informazioa lortu