Resultados de procura - Agilent Technologies

Agilent Technologies

miniatura|dereita|Vestíbulo da sede central de Agilent Technologies en Santa Clara, California. Agilent Technologies, ou Agilent, é unha compañía estadounidense que deseña e fabrica instrumenttos científicos de medida e equipamento para as ciencias da vida, diagnóstico médico, e aplicacións químicas.

A compañía predecesora de Agilent foi Hewlett-Packard (HP), fundada en 1939 para fabricar equipos de probas electrónicos. En 1999, HP creou unha filial para a súa división de probas e medidas chamada Agilent. A OPV inicial das accións de Agilent foi unha das máis grandes da historia de Silicon Valley ata aquel momento. En 2014, Agilent creou unha filial para a súa división de instrumentos electrónicos chamada Keysight Technologies.

Agilent mantén o grupo de desenvolvemento e investigación central, Agilent Laboratories, que realiza a investigación da compañía en áreas como os sistemas micromecánicos, nanotecnoloxía, e ciencias da vida. Este grupo centralizado está baseado no deseño do Hewlett-Packard Lab orixinal e formouse ao dividir o grupo de laboratorios HP orixinal en dous cando HP creou Agilent en 1999. Provided by Wikipedia